من اصغير يا سلمان بسك بعد من هل جر
صرت خمسين من عمري او ملتهيه العرب بل فر
يلتمون عشر ابيوت و الباقي ابخط احمر
نوبه يلتجون الخال ويبشرون بل معشر
عده منهم امطشرين هم و اولادهم بل حر
الحد من هل عداوه اخوان بسكم من المناگر
تعالوا شوفو اهل الخير دواوين افرشت بل بر
من لمت جماعتهه اسود او ما تريد الشر
بل مجلس او رفعت راس جدام الزلم تفتر
واحنه ابهل مصيبه هاي فاتنه المگشر
ليش اوما تطخ الراس لخوانك سبع تنعر
او عند الغير تترحب عبد اتصيراله او تصغر
الحدمن هذه الخدمه گص السانك امن العر
تعلم مثل باقي الناس وعلي من واصلك دور
كف من العتب ياخوي وانسه عتبت الدفتر
******
شفنه انواع من هل ناس كل ساده او سواريهه
من تحصل قضيه اجموع تلتم واتناديهه
الصغير ايطيع و الشايب واليسوا او يساويهه
تتناقش ابكل ترحاب حتي لو چتل بيهه
تطلع خوه مصتمده گلب ابگلب ساجيهه
ما تعرف عبنهه اخوان عفيه علي الحاميهه
بسكم ياعمامي وين كراهه من يداويهه
راح الشهم منهه او جار ابو اعزيز غرگ بيهه
او سطه اعليهه ابن ناطورقصده ابقوه يحميهه
ما تجمع القوه ناس الخوه اتريد واليهه
بسكم يا اخواني العار من الي لطم بيهه
****
چنه اصغار او نسمع دگت الفنجان والگهوه
تجتمعون واتصنعون واتكتبون بل گوه
ضل يفتر الگاصد عبرت التفليش والخوه
مسدس بيده والفاله تبراله او تتلوه
يعطيه الاشار ذاك الله ايرحمه اشسوه
ما تنظر تصير احروب بيت اسليم اهل عوه
او گزرت بيهه هل اعمار والبيوت الغدت دوه
***
خوش المثل من الگال حاميهه او سطا اعليهه
كل بيتين مطشرين و الاملح لحگ باجيهه
الطراده السرت بيهه انمزگت ياهو يچويهه
دگوم اركض او جر بيهه وحدك من يداويهه
ابعد منهه او خله اتسير عدهه من يباريهه
ولك كل العمام اتصيح ماريدك تمر بيهه
****
او بعد يخوان صار الصار حسان انتهم مگرود
ابو جعفر و ابو راضي او تابعهم ابو محمود
مطرودين من اسليم عزلوهم و الدرب مسدود
و انكتبت جريده ذاك يوم الي كصرنه احدود
مباشر تحت طيب الناس وابو جمهور راعي الجود
خلّّصنه من العتبات المتجنده علينه اجنود
ما كفنه او بعد شتريد خالي يبو اعيون السود
تريد الرگبه لو الحزام لو تجفي او بعد متعود
ما تدري بني حسان انعدي بل عده و انزود
****
كفنه ارجوك خلينه او بيرقنه انرسم بينه
بسم حسان داعينه او ما نقبل تبارينه
****
بعد يخوان ذول احنه ابخدمت من يعاشرنه
اتايد بيرق الحسان او نشكر من يباشرنه
او نشكر كلمن امعدل او بل خوه يشاورنه
اذا اتحب يبن سلمان تعال او شوف ناظرنه
نحب نجمع اخونه الطاش منه او ما يسالمنه
هله بيكم يروح الروح كتاب الله يعلمنه
ان اكرمكم يا ناس من اتقاكم او بسنه
ان اكرمكم يا ناس من اتقاكم او بسنه
ابو مهدي (جاسم امحمد الجبیره الحساني الساری)
:: برچسب‌ها:
عتب مع الاخوان بیت اسلیم ,
:: بازدید از این مطلب : 2843
|
امتیاز مطلب : 3
|
تعداد امتیازدهندگان : 2
|
مجموع امتیاز : 2
عضو شوید
عضویت سریع
آمار مطالب
آمار بازدید
